I година
Сите ученици кои се запишуваат во Гимназијата „Гоце Делчев“ во прва година имаат исти 14 предмети. Македонски јазик и литература, математика, прв странски јазик (англиски / француски/ руски / германски / италијански), втор странски јазик(англиски / француски / руски / германски / италијански), физика, хемија, историја, географија, биологија, информатика, спорт и спортски активности, музичка уметност и ликовна уметност.
II година
Учениците имаат можност да изберат уште еден изборен предмет покрај останатите. Во изборната група предмети спаѓаат информатичка технологија, аналитичка геометрија, етика, латински јазик и говорење и пишување. Овие предмети го усмеруваат ученикот во понатамошното избирање на неговата професија.
III година
Во оваа година се избираат 3 насоки и тоа Природно-математичка, Општествено-хуманистичка и Јазично-уметничка насока. Секоја од Овие 3 насоки има 2 пакети А и Б. Сите пакети се карактеризират со различни предмети, односно зависат од самиот избор на ученикот. Сите пакети имаат ист фонд на часови.
IV година
Учениците продолжуваат со наведените предмети од избраниот пакет во трета година, но притоа, фондот на часови е намален и и освен предметите од избраниот пакет, задолжителни се и Филозофија и Бизнис и Претприемништво.
